Shuesmaker - Eitt mesta fúlmenni íþróttasögunnar

Það er með ólíkindum hvað fúlmennið hann Michael Schumacher hefur komist upp með í gegnum tíðina. Enn ótrúlegra er hvað fólk getur verið dofið í hausnum að fylkja sér í stuðningslið þessa fúlmennis, hrokagikks og svindlara.  Árið 1997 sem var fyrsta árið sem RÚV hóf reglulegar útsendingar frá F1.  Í upphafi var ég þess fullviss um að Schumacher væri minn maður, atvikið sem upp kom í lok þess tímabils þar sem hann reyndi að keyra á Villenue og ræna hann titlinum tók hins vegar af öll tvímæli og opinberaði fyrir mér að hér var hið mesta fúlmenni á ferð.  Þetta er reyndar ekki það eina sem hann hefur á "afrekaskránni"; reyndi víst svipaðan hlut nokkrum árum áður með þeim árangri að hinn geðþekki ökuþór Damon Hill var rændur titlinum. Jafnframt fór hann að fikta í frú Fisichella ef ég man rétt og verið með allskonar hótanir í garð keppinauta -  óð inní skýli Mclaren þar sem hann ætlaði að rjúka í Montoya (eina manninn sem eitthvað hefur þorað að standa í hárinu á þessu viðrini).  Svo er hann einnig þekktur fyrir það að kúga liðsfélaga sína sem lítið mega beita sér í keppnum að ótta við að ná betri árangri en skósmiðurinn og fúlmennið. Svei þér Schumacher.

Gamli góði Valsfeelingurinn

Verð að viðurkenna að í gamla daga leyndist í mér smá Valsari.....á tímum Antony Karls Gregory, Sævars Jónssonar, Togga Þorgríms, Bjarna Sig, Sigurjóns Kristjáns, Ingvars Guðmundssonar, Baldurs Braga, Þórð Birgi Boga og hvað þeir allir kappar heita!  Síðan þá hefur mikið vatn runnið til sjávar og þessi gamli góði Valsfeelingur ekki lengi látið á sér kræla.  Eftir að hafa horft á viðureign Vals og ÍA í gær er ekki laust við að gamli góði Valsfeelingurinn hafi gengið í endurnýjun lífdaga. Eftir misjafna spilamennsku og ekkert allt of góð úrslit í fyrstu leikjunum gjörsamlega sprakk Valsliðið út í seinni hálfleik á móti ÍA í gær...........................og þvílík spilamennska!!!!! Með snillinginn Gumma Ben í fararbroddi voru skagamenn gjörsamlega sundurspilaðir. Það er vonandi að sóknarbolti sem Valsliðið var svo vel þekkt fyrir í upphafi tíunda áratugarins fari aftur að vera þeirra vörumerki. Liðinu gekk reyndar vel í fyrra en voru engu að síður að spila frekar varnarsinnaðann og þunglamalegan bolta. Erfitt er að dæmi liðið út frá leiknum í gær en hann gefur engu að síður góð fyrirheit og vonandi er stórveldið að rísa á fætur á ný!

Kópawood! Það er dapurt að búa í Kópavogi

Vaknaði í morgun líkt og aðra morgna við morgunsjónvarpið á stöð 2.  Þar voru fulltrúar stjórnmálaaflanna í Kópavogi að sitja fyrir svörum og kynna málefni sín fyrir komandi kosningar.  Umræðurnar voru frekar daprar og helsta umræðan stóð um hvort bjóða ætti upp á gjaldfrjálsa leikskóla eða ekki.  Það sem ég hjó eftir og lét illa í eyrum var hins vegar fullyrðing Ómars Stefánssonar Framsóknarflokki um að fólk í Kópavogi væri ánægt með stjórnun bæjarfélagsins!! Þá spyr ég Ómar, hverjir eru ánægðir; eru það þeir sem hafa komið persónulega til þín og þakkað þér fyrir að úthluta sér lóðum í gegnum klíkuskap??? Allir íþróttagarparnir, skyldmennin, ríka og fræga fólkið????? Hvað með okkur hin sem eigum ekki forseta sem pabba, spilum ekki fótbolta í London eða handbolta fyrir HK???? Hvað getum við þakkað þér fyrir á liðnu kjörtímabili??? Svo merkilegt sem það nú er kem ég ekki auga á það. Það sem maður fær hins vegar á tilfinninguna þegar maður lítur yfir framboðslista bæjarstjórnarflokkana er að þar eru á lista fólk sem hefur þann eina tilgang að ota sínum tota, maka sinn eigin krók.....dæmi þess eru amk. á hverju strái!  Til að slá svo ryk í augun á fólki hafa bæjarstjórnarflokkarnir fengið til liðs við sig meinta íþróttastjörnu og gamlagróinn íþróttafréttamann..... Hvað þessir nýgræðingar ætla að leggja til málanna kem ég ekki auga á, kannski frekari fyrirgreiðslupólítík og klíkuskap það er spurning; alltént komst þetta fólk til áhrifa með smölun í prófkjörsslagnum......smölun tam. úr íþróttafélögum............Er virkilega nóg að stíga á stokk og hrópa yfir almúgan; "réttið upp hönd þeir sem hafa orðið Íslandsmeistarar með meistaraflokki HK"???????????Það verður gott að vera íþróttamaður í Kópavogi á næsta kjörtímabili.......................

Eiður á bekkinn?

Nú rigna yfir okkur fréttir af því að landsliðsfyrirliðinn okkar Eiður Smári sé á förum frá Chelsea; líklegir klúbbar Barca, Real, Man utd. ofl... Gott og vel; fullt af peningum og mikið gaman fyrir hann. Það læðist þó að mér sá grunur að ef hann velji einn af þessum stórum klúbbum til að fara til verði hann áfram sætishitari líkt og hann hefur verið seinni part leiktíðar hjá Chelsea.  Fótboltalega séð efast ég því um að þetta væri skref í rétta átt fyrir hann þar sem hann myndi detta úr allri leikæfingu.  Fyrir landsliðið yrði þetta því slæm þróun mála! Kannski er ég óþarflega svartsýnn því hér er efnilegur leikmaður á ferð. Sé hann þó frekar fyrir mér í liðum á borð við Newcastle, Middlesboro, Aston Villa. Einnig myndi hann plumma sig vel í ítölsku deildinni þar sem hraðinn er minni og tæknilegir hæfileikar hans kæmu til með að nýtast betur; spurning með AC-fílan ??

NBA - Nætur-brölt Almúgans

Settist um miðnætti í gær fyrir framan imbann og fylgdist með undanúrslitaviðureign vesturstrandarinnar í NBA-deildinni; SanAntonio vs. Dalls......og þvílík skemmtun!!!! Hef lítið fylgst með NBA frá því að átrúnaðargóðið Michael Jordan var og hét.... Körfuboltinn í dag jafnast kannski ekki á við sem þá var en spennan er sú sama og auðvelt að detta inní leikina þótt maður hafi lítið fylgst með; hetjur á hverju strái, dramatíkin gríðarleg og auðvelt að finna sér kalla og lið til að halda með; Terry, Nowitski, og hvað þeir nú allir heita ;). Þetta er eins og ganga í barndóm að fylgjast með þessu;) Eini ókosturinn við að fylgjast með er þó allur þessi fjöldi leikhléa og meðfylgjandi auglýsinga sem maður horfir á aftur og aftur..Ein auglýsing sem var birt aftur og aftur í leikhléunum í gær vakti þó mikla kátínu, það er Sýnarauglýsingin með fótboltaskóla Péturs þar sem vinurinn tekur fyrir píptest. Hann endar svo á að segja eitthvað á þá leið að hann sé með gott úthald, kannski ekki á fótboltavellinum en á öðrum völlum og setur svo upp þetta fyndna sjálfsánægjuglott...........algjör snilld;)

Merkustu bílar sögunnar - 10. sæti Renault 5 Turbo (1980-1986)

Þar sem bílar eru eitt helsta áhugamálið er ekki úr vegi að útlista hvað eru 10 merkustu bílar sögunnar að mati undirritaðs.  Tíunda sætið vermir sá einstaki bíll Renault 5 Turbo.....Allt frá barnæsku hefur þessi einstaklega fagurlega teiknaði bíll lifað í huga mér sem einn af draumabílunum sem ég ætlaði að eignast þegar ég yrði stór.  Nú er maður víst orðinn stór en draumurinn engu að síður enn fjarlægari þar sem þessir bílar eru óneitanlega farnir að reskjast.  Renault 5 turbo var þeim kostum gæddur að vera með vélina aftur í og með afturdrifi þannig veggrip var með eindæmum enda þyngdardreifing eins og best gerist.  Standard var þessi bíll með 1400 cc vél ca. og ca. 150-200 hestöfl í "götuútgáfu" en rallýbílarnir voru tjúnaðir allt upp í 350 hö; þyngd vel innan við tonn (850-900kg.) þannig að þessi bókstaflega flaug af stað.  Auk þess að vera áberandi í heimsmeistarakeppninni í rallý í byrjun níunda áratugarins var þessi bíll líka þekktur fyrir kvikmyndaleik þar sem honum brá fyrir í þeirri ágætu Bond mynd "Never say never again".  Fyrir þá sem vilja eignast umræddan eðalvagn þá er algengt verð í dag á bilinu 20-30 þús. Eur sem þýðir að hingað kominn til lands væri hann á verðbilinu 3,5-5,5 millur.

Stútur undir stýri - Úti ævintýri

Maður er nefndur Eyþór Arnalds.  Hæfileikaríkur blaðursnakkari fullur af dómgreindarskorti sem oft og iðulega skýtur upp kollinum eins og hann margítrekaði fyrir áhorfendum kastljóss í gær. Þegar taka skal ákvarðanir getur það þvælst fyrir mönnum; Á ég að keyra fullur eða hringja á leigubíl????????? Á ég að stinga af eða gera lögreglu viðvart? Á ég að draga mig út úr pólitíkinni eða leika "dabba odds"? Á ég að selja kontrabassann eða farsímann? Á ég að vera wannabi stjórnmálamógull eða poppræfill??????? Sá á völina sem á kvölina

 

X-d....runk driving........................það er framlag Eyþórs í komandi kosningabaráttu

Fyrsta bloggfærsla

Þessi færsla er búin til af kerfinu þegar notandi er stofnaður. Henni má eyða eða breyta að vild.